​Համերգի Սեմին Փորձ - Հայերէն
29 Ocak 2023 - Հակական տոմար - Տարի : 4515 / Ամիս : Արաց / Օր : Վարագ / Ժամ : Խաւարակ

Հայերէն :

16 Ocak 2023  

​Համերգի Սեմին Փորձ -

​Համերգի Սեմին Փորձ ​Համերգի Սեմին Փորձ

Երաժշտասէրները արդէն անհամբերութեամբ կը սպասեն այս չորեքշաբթի երեկոյեան՝ Հարպիյէի CRR համերգասրահին մէջ նախատեսուած Սիպիլի մեծ համերգին։ Երկար ժամանակ վերջ համակրելի մեներգչուհին Իսթանպուլի մէջ հանդէս պիտի գայ ելոյթով մը։ Սա իսկապէս մեծ ծրագիր մըն է, որովհետեւ Սիպիլին առընթեր Հայաստանէն յայտնի մեներգիչ Անտրէ Սիմոնեանն ալ բեմ պիտի առնէ քաղաքիս մէջ։ Ծրագրին մէջ բաժին պիտի ունենան նաեւ՝ Սիպիլ Արսէնեանի գլխաւորութեամբ սիմֆոնիք նուագախումբ մը, «Առագաստ» նուագախումբը, Հրանդ Չիզմէճեանի գլխաւորութեամբ Կէտիկփաշայի «Հրանդ Տինք» դպրոցի մանկանց երգչախումբը եւ արուեստագիտուհի Այշէնուր Քոլիվար։ Ծաւալուն ծրագիրը նախատեսուած է ի նպաստ Գալֆաեան Տան եւ Ֆէրիգիւղի Մէրամէթճեան վարժարանին։

Այս ձեռնարկին ընդառաջ յայտագրին մասնակցելիք խումբերը արդէն խտացուցած են իրենց աշխատանքը։ Երէկ, օրուան տեւողութեան Ֆէրիգիւղի վարժարանի սրահի երդիքին տակ համերգին ընդառաջ տեղի ունեցան փորձեր։ Բոլոր արուեստագէտները ամենայն բծախնդրութեամբ կը պատրաստուին յայտագրի իրենց բաժանմունքին։ Նկատի ունենալով, որ արդէն Անտրէն ալ ժամանած է քաղաքս, երէկուան փորձը ունեցաւ առանձնայատկութիւն մը։ Անտրէն եւ Սիպիլը համերգի ընդառաջ մէկտեղուեցան եւ վերջին փորձերը ըրին իրենց՝ այնքան սպասուած զուգերգներուն համար։





Bu haber jamanak kaynağından gelmektedir.

Haber metninde yer alan görüşler haber kaynağı (jamanak) ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(jamanak). They do not purport to reflect the opinions or views of bolsohays.com
+