Իսթանպուլի երեսփոխան տքթ. Սեւան Սվաճըօղլու երէկ քաղաքավարական այցելութիւն մը տուաւ Իսթանպուլի կուսակալ Տաւուտ Կիւլին։ Հանդիպման ներկայ էր նաեւ նոյնպէս Իսթանպուլի երեսփոխան Ճիւնէյթ Եիւքսել։

Ըստ մեր ստացած տեղեկութիւններուն, կուսակալը երկու պատգամաւորներուն հետ զրուցելու ընթացքին տուաւ միասնականութեան պատգամներ եւ իր ողջոյնները յղելով՝ յայտնեց, որ իր հնարաւորութիւններով միշտ պատրաստակամ է ոչ-իսլամ փոքրամասնական համայնքներու տրամադրութեան տակ ըլլալու։ Սեւան Սվաճըօղլուն ալ զրոյցի ընթացքին փոքրամասնական համայնքներու յաջողութեան մաղթանքները յղած է նորանշանակ կուսակալին։