​Լուսահոգի Կարօ Գալէնտէրի Յիշատակին Ձօնուած Պասքեթպոլի Մրցաշարք՝ Գնալը Կղզիի Մէջ - Հայերէն
25 Mayıs 2024 - Հակական տոմար - Տարի : 4516 / Ամիս : Մարերի / Օր : Ցրօն / Ժամ : Բաւական

Հայերէն :

01 Eylül 2023  

​Լուսահոգի Կարօ Գալէնտէրի Յիշատակին Ձօնուած Պասքեթպոլի Մրցաշարք՝ Գնալը Կղզիի Մէջ -

​Լուսահոգի Կարօ Գալէնտէրի Յիշատակին Ձօնուած Պասքեթպոլի Մրցաշարք՝ Գնալը Կղզիի Մէջ ​Լուսահոգի Կարօ Գալէնտէրի Յիշատակին Ձօնուած Պասքեթպոլի Մրցաշարք՝ Գնալը Կղզիի Մէջ

Շիշլի մարզակումբի վարչութեան նախաձեռնութեամբ՝ Գնալը կղզիի մէջ տեղի ունեցաւ բարեյիշատակ Կարօ Գալէնտէրի ոգեկոչման համար կազմակերպուած պասքեթպոլի մրցաշարքը, որ երրորդն էր իր նմաններու շարքին։ Մրցաշարքին մասնակցեցաւ 6 խումբ եւ հանդիպումները առիթ դարձան 36 երիտասարդ մարզիկի մրցապայքարին։ Ինչպէս միշտ, մրցաշարքին մասնակցեցաւ նաեւ լուսահոգի Կարօ Գալէնտէրի արուեստագիտուհի այրին՝ Ովսաննա Գալէնտէր, որ յուզումնախառն զգացումներով հետեւեցաւ խաղերուն՝ մինչ ջերմօրէն ու յարգանքով շրջապատուեցաւ ակումբի վարչայիններուն կողմէ։

Մրցաշարքը հաճելի պահեր պարգեւեց մարզասէրներուն։ Արդիւնքին մարզիչ Արման Գարայի խումբը զբաղեցուց առաջին հորիզոնականը։ Խաղերէն վերջ տեղի ունեցաւ մրցանակաբաշխման արարողութիւն եւ բոլորը նկարահանուեցան՝ ի յիշատակ այս հաճելի մրցաշարքին, բոլորուելով հոգելոյս Կարօ Գալէնտէրի բարոյական ներկայութեան շուրջ։

Հոգելոյս Կարօ Գալէնտէր, որ մարզական շրջանակներուն ծանօթ էր՝ որպէս «Սարը Կարօ», երկար տարիներ անձնուրաց մասնակցութիւն բերած էր Շիշլի մարզակումբի գործունէութեան, սատարած էր պասքեթպոլի ճիւղի զարգացման։





Bu haber jamanak kaynağından gelmektedir.

Haber metninde yer alan görüşler haber kaynağı (jamanak) ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(jamanak). They do not purport to reflect the opinions or views of bolsohays.com
+