Մահ՝ Դերասան Արարատ Մոռի - Հայերէն
15 Nisan 2024 - Հակական տոմար - Տարի : 4516 / Ամիս : Ահեկան / Օր : Արամազդ / Ժամ : Առաւօտ

Հայերէն :

20 Şubat 2024  

Մահ՝ Դերասան Արարատ Մոռի -

Մահ՝ Դերասան Արարատ Մոռի Մահ՝ Դերասան Արարատ Մոռի

Լաւ լուրեր չկան մեր համայնքին եւ ցաւալին այն է որ մեռնողները անժամանակ կ'աւանդեն իրենց հոգին, մեծ ցաւ պատճառելով իրենց հարազատներուն եւ համայնքային շրջանակներուն։

Երէկ հաղորդուեցաւ դերասան Արարատ Մոռի մահուան մասին։ Ընդամէնը 58 տարեկան էր, կեանքով լեցուն դերասան մը, որ բեմ ելած էր թէ՛ համայնքային թատրոնի բեմերուն վրայ, թէ՛ նկարահանուած էր տեղական բազմաթիւ հաղորդաշարերու եւ շարժանկարներու մէջ, մարմնաւորելով զանազան կերպարներ։
Միջոցէ մը ի վեր երիկամներու անբաւարարութենէ կը տառապէր եւ տիալիզի կ'երթար։ Քանի մը օր առաջ, սրտի տագնապ ալ անցուց, առնուելով խտացեալ դարմանումի տակ, բայց չկրցաւ կեանքի վերադառնալ ու իր մահկանացուն կնքեց, մեծ վշտի մէջ թողլով ընտանիքը։

Արուեստասէրներու յիշողութեան մէջ դրոշմուած են իր մարմնաւորած կերպարները մեր միութենական բեմերուն վրայ, նաեւ տեղական այնպիսի ժապաւէններու եւ հաղորդաշարերու մէջ, որոնք մեծ ընդունելութեան արժանացած են։

Կը վշտակցինք իր այրիին՝ Առլէթին ու դուստրերուն՝ Երազին եւ Սալբիին, Մոռ, Ալթուն ընտանիքներուն եւ բոլոր մերձաւորներուն։






Bu haber normarmara kaynağından gelmektedir.

Haber metninde yer alan görüşler haber kaynağı (normarmara) ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(normarmara). They do not purport to reflect the opinions or views of bolsohays.com

Diğer Haberler

+