Սերպիոյ Նովի Սատ քաղաքին մէջ կը կայանան սամպոյի Եւրոպայի ախոյենութեան մրցումները։ Հայաստանի ներկայացուցիչներէն Մայիս Ներսիսեան մարտական սամպոյի մրցաձեւի 64 քկ. դասաւորման մէջ հասաւ եզրափակիչ փուլ ու հոյակապ յաղթանակով մը հռչակուեցաւ Եւրոպայի ախոյեան։ Իր մրցակիցը Սպիտակ Ռուսիացի էր։ Ներսիսեան 11-0 արդիւնքով փայլեցաւ մրցագորգի վրայ ու իր յաղթանակով Հայաստանի ազգային օրհներգը հնչեցուց, ուրախութիւն պատճառելով մարզասէրներուն։