Ֆրանսիս Պապէն Նամակ Արամ Ա. Կաթողիկոսին - Հայերէն
21 Mayıs 2024 - Հակական տոմար - Տարի : 4516 / Ամիս : Մարերի / Օր : Գրգոռ / Ժամ : Հոթապեալ

Հայերէն :

05 Ocak 2016  

Ֆրանսիս Պապէն Նամակ Արամ Ա. Կաթողիկոսին -

Ֆրանսիս Պապէն Նամակ Արամ Ա. Կաթողիկոսին Ֆրանսիս Պապէն Նամակ Արամ Ա. Կաթողիկոսին

Երեքշաբթի, 5 Յունուար 2016-ի առաւօտուն, Արամ Ա. Վեհափառ Հայրապետին այցելեց Պապական Նուիրակ Կապրիէլ Քաչիա Եպիսկոպոսը եւ յանձնեց Հայոց Ծննդեան տօնին առիթով Վեհափառ Հայրապետին շնորհաւորութիւններ յայտնող Ն.Ս. Ֆրանսիս Պապին նամակը: Պապական Նուիրակը նաեւ Արամ Ա. Կաթողիկոսին փոխանցեց Վատիկանի գլխաւոր պատասխանատուներուն շնորհաւորութիւնները: Այս առիթով Վեհափառ Հայրապետը իր գնահատանքն ու շնորհակալութիւնը յայտնեց Հայոց Ցեղասպանութան 100-ամեակին առիթով ընդհանրապէս Վատիկանի ու յատկապէս Ֆրանսիս Պապին հայ ժողովուրդին արդար դատին նկատմամբ ցուցաբերած ամբողջական զօրակցութեան համար:

Ապա խորհրդակցութիւնը կեդրոնացաւ Միջին Արեւելքի նոր զարգացումներուն եւ այդ ծիրէն ներս Իրանի եւ Սէուտական Արաբիոյ միջեւ յառաջացած լարուածութեան: Անհրաժեշտ նկատուեցաւ որ ամէն գնով առաջքը առնուի այս լարուածութեան առաւել բարդացման, որուն հետեւանքները կրնան ըլլալ ժխտական ամբողջ Միջին Արեւելքէն ներս: Նաեւ քննարկուեցաւ Լիբանանի ներքին կացութիւնը եւ յատկապէս նախագահական ընտրութեան հարցը: Վեհափառ Հայրապետը առաջարկեց Պապական Նուիրակին, որ Վատիկանի անունով քաղաքական կողմներուն հետ հանդիպումներ ունենայ, թելադրելով որ հեռու պահեն Լիբանանը շրջանային հարցերէն եւ առաջնահերթութիւն ընծայեն նախագահական ընտրութեան:





Bu haber kaynağından gelmektedir.

Haber metninde yer alan görüşler haber kaynağı () ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(). They do not purport to reflect the opinions or views of bolsohays.com
Önceki Sonraki

Anket Tüm Anketler

Günün Sözü


Եթէ սէրը բացակայ է մեր տունէն, ուրիշ ոչ մէկ տեղ պիտի գտնենք զայն։

+