ՀՀ մշակոյթի նախարարութեան աջակցութեամբ, «Բարեկամ» մշակոյթի, արուեստի եւ մարմնակրթութեան զարգացման կեդրոն» հասարակական կազմակերպութեան եւ «Պրոֆ փրոտաաքշըն»-ը Նոյեմբեր 18-ին, ժամը 18:30-ին, գիւմրիի «Սեւ բերդ» ամրոցին մէջ պիտի ներկայացնեն ՀՀ ժողովրդական արտիստ, պետական մրցանակի դափնեկիր Տիգրան Մանսուրեանի ստեղծագործական երեկոն:

Երեկոյի ընթացքին պիտի հնչեն հեղինակին «Ռեքվիեմ», «Տարուայ եղանակներ», «Զուգահեռ երգեր» ստեղծագործութիւնները: Համերգին գեղարուեստական ղեկավարը եւ խմբավարը Ռոբերտ Մլքէեանն է:

Կը մասնակցին` Հայաստանի պետական կամերային երգչախումբը, գեղարուեստական ղեկավար եւ գլխաւոր խմբավար` Ռոբերտ Մլքէեան, Հայաստանի պետական կամերային նուագախումբը, գեղարուեստական ղեկավար եւ գլխաւոր դիրիժոր` Վահան Մարտիրոսեան, Երեւանի պետական կամերային երգչախումբը, գեղարուեստական ղեկավար եւ գլխաւոր խմբավար` Յարութիւն Թօփիկեան, Գիւմրիի «Տիրամայր Հայաստանի» երգչախումբը, գեղարուեստական ղեկավար եւ գլխաւոր խմբավար` Ռոբերտ Մլքէեան:

Մենակատարներն են` երեկոյի յատուկ հիւր, ՀՀ ժողովրդական արտիստ Յասմիկ Պապեան (սոփրանօ), Հենրիետտա Յարութիւնովա (սոփրանօ), Յովհաննէս Գրիգորեան (Բարիտոն), Եանայ Դարեանը (ալտ), Արթուր Աւանեսով (դաշնամուր):

Ստեղծագործական երեկոյի իրականացման աջակցած են նաեւ Շիրակի մարզպետարանը եւ Գիւմրիի քաղաքապետարանը։

�