Թրամփ – Փութին Հեռաձայնային Հաղորդակցութիւն - Հայերէն
29 Mart 2024 - Հակական տոմար - Տարի : 4516 / Ամիս : Արեգ / Օր : Վարագ / Ժամ : Հուրփեայլեալ

Հայերէն :

15 Kasım 2016  

Թրամփ – Փութին Հեռաձայնային Հաղորդակցութիւն -

Թրամփ – Փութին Հեռաձայնային Հաղորդակցութիւն Թրամփ – Փութին Հեռաձայնային Հաղորդակցութիւն

Քրեմլին երէկ գիշեր հաղորդեց, որ Միացեալ Նահանգներու նորընտիր նախագահ Տանըլտ Թրամփ եւ Ռուսիոյ նախագահ Վլատիմիր Փութին ունեցած են հեռաձայնային հաղորդակցութիւն մը:

Ըստ Քրեմլինի, հեռաձայնային հաղորդակցութեան ընթացքին Փութին Թրամփին յաջողութիւն մաղթած է ընտրական խոստումներու գործադրութեան համար:

Ռուսիոյ նախագահը աւելցուցած է, որ ինք պատրաստ է ամերիկեան նոր վարչակազմին հետ «հաւասարութեան սկզբունքին վրայ հիմնուած» երկխօսութեան:

ԹԱՍՍ լրատու գործակալութիւնը կը հաղորդէ, որ Միացեալ Նահանգներու նորընտիր նախագահ Տանըլտ Թրամփ յորդորած է այն անձերուն, որոնք կը մերժեն Միացեալ Նահանգներու մէջ 8 նոյեմբերին տեղի ունեցած նախագահական ընտրութեան արդիւնքը, վերջ տալ երկրին տարածքին կատարուող ցոյցերուն:

Ան ամերիկեան «Սի.Պի.Էս.» պատկերասփիւռի կայանին հետ հարցազրոյցի մը ընթացքին երկրին մէջ շարունակուող հանրահաւաքները մեկնաբանելու լրագրողի խնդրանքին ի պատասխան նշած է. «Ես ատիկա պիտի ըսեմ ինքնին տեսախցիկին առջեւ` վերջ տուէք ատոր»:

Թրամփ նաեւ խոստովանած է, որ ինք «ցաւի զգացում կ՛ապրի», երբ կը լսէ այդպիսի ցոյցերու մասին:

«Մի՛ վախնաք: Մենք կը պատրաստուինք վերականգնելու մեր երկիրը», ըսած է Թրամփ` դիմելով ցուցարարներուն, որոնք, ըստ անոր, կը վախնան փոքրամասնութիւններու իրաւունքներուն սահմանափակումէն:

Ան նաեւ խոստացած է հրաժարիլ նախագահի աշխատավարձէն: «Ես երբեք այս նիւթին շուրջ չեմ խօսած, սակայն պատասխանս «ոչ» է: Կը կարծեմ, ըստ օրէնքի, ես պէտք է տարեկան մէկ տոլար ստանամ, թէեւ իրականութեան մէջ չեմ գիտեր նախագահի աշխատավարձին չափը», ըսած է Թրամփ:

Երբ լրագրողը յիշեցուցած է, որ խօսքը կը վերաբերի տարեկան 400.000 տոլարի, Թրամփ անգամ մը եւս հաստատած է, որ կը հրաժարի աշխատավարձէն:

Աղբիւրը կը յիշեցնէ, որ նախընտրական քարոզարշաւի ժամանակ Հանրապետական կուսակցութեան թեկնածուն խոստացած էր նախագահ ընտրուելու պարագային հրաժարիլ նախագահի աշխատավարձէն:

Ըստ հեղինակաւոր «Ֆորպզ» պարբերաթերթի նորագոյն տուեալներուն, Թրամփի հարստութիւնը կը գնահատուի 3,7 միլիառ տոլարով:

Թրամփ յայտարարած է, որ մտադիր է գաղտնի պահել ՏԱՀԵՇ-ի դէմ պայքարի իր ծրագիրը: Ան նշած է, որ Իրաքի Մուսուլ քաղաքը ՏԱՀԵՇ-էն ազատագրելու գործողութիւնը «ծանր կ՛ընթանայ», որովհետեւ Սպիտակ տունը ատոր մասին տեղեկութիւնը նախօրօք հրապարակած էր:





Bu haber kaynağından gelmektedir.

Haber metninde yer alan görüşler haber kaynağı () ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(). They do not purport to reflect the opinions or views of bolsohays.com

Diğer Haberler

+