Պրիւքսելի Մէջ Հայերը, Քիւրտերը Եւ Ասորիները Միասին Ցոյց Կազմակերպած Են Թրքական իշխանութիւններուն Դէմ - Հայերէն
05 Temmuz 2020 - Հակական տոմար - Տարի : 4512 / Ամիս : Մարգաց / Օր : Ահրանք / Ժամ : Հոթապեալ

Հայերէն :

17 Kasım 2016  

Պրիւքսելի Մէջ Հայերը, Քիւրտերը Եւ Ասորիները Միասին Ցոյց Կազմակերպած Են Թրքական իշխանութիւններուն Դէմ

Պրիւքսելի Մէջ Հայերը, Քիւրտերը Եւ Ասորիները Միասին Ցոյց Կազմակերպած Են Թրքական իշխանութիւններուն Դէմ Պրիւքսելի Մէջ Հայերը, Քիւրտերը Եւ Ասորիները Միասին Ցոյց Կազմակերպած Են Թրքական իշխանութիւններուն Դէմ

Պելճիքայի մայրաքաղաք Պրիւքսելի մէջ Թուրքիոյ իշխանութիւններուն վարած բռնապետական քաղաքականութեան դէմ տեղի ունեցած է բազմամարդ բողոքի ցոյց, որուն մասնակցած են քիւրտեր, հայեր եւ ասորիներ: Այս մասին՝ ըստ Թերթ․ամ-ի՝ կը հաղորդէ թրքական dayanisma.net կայքը:

Բողոքի ցոյցի մասնակիցները դատապարտած են Թուրքիոյ ընդդիմադիր Ժողովուրդներու ժողովրդավարական կուսակցութեան (ԺԺԿ) պատգամաւորներու եւ երկու համանախագահներու ձերբակալութիւններն ու լրագրողներու դէմ սկսած բռնաճնշումները:

Կը նշուի, որ ցոյցին մասնակցած է շուրջ 10.000 մարդ:

Յիշեցնենք, որ Նոյեմբեր 4-ին Տիարպեքիրի եւ Անգարայի մէջ ձերբակալուած են քրտամէտ ԺԺԿ-ի 10-էն աւելի անդամներ, որոնց մէջ` կուսակցութեան համանախագահներ Սելահաթթին Տէմիրթաշն ու Ֆիգեն Եուքսեքտաղը:

Աւելի առաջ Թուրքիոյ ոստիկանութիւնը Անգարայի մէջ յատուկ գործողութիւն մը իրականացուցած է ընդդիմադիր «Ճումհուրիէթ» թերթի աշխատակիցներուն դէմ: Խուզարկութիւններ իրականացուած են թերթի տնօրէնին, խմբագիրներուն եւ շարք մը սիւնակագիրներու տուներուն մէջ: Ձերբակալուած է նաեւ թերթի գլխաւոր խմբագիր Մուրադ Սապունճուն:

Օրերս Թուրքիոյ Եւրոմիութեան հարցերով նախարար Օմեր Չելիքը քննադատած էր պելճիքական դատարանի` «Քիւրտիստանի աշխատաւորական կուսակցութիւն» խմբաւորման վերաբերեալ որոշումը, որուն համաձայն ՔԱԿ-ի գործողութիւնները ահաբեկչական յանցագործութիւն չեն համարուիր, քանի որ «խմբաւորումը կը գտնուի զինուած պայքարի մէջ»:

Այսօր ալ Թուրքիոյ նախագահ Ռեճեփ Թայիփ Էրտողանի մամուլի խօսնակ Իպրահիմ Քալընը մեղադրած է Պելճիքայի իշխանութիւնները «Քիւրտիստանի աշխատաւորական կուսակցութիւն» խմբաւորման զինեալներուն եւ Թուրքիոյ մէջ Յուլիս 15-ի յեղաշրջման փորձի գլխաւոր կազմակերպիչ համարուող թուրք կրօնական քարոզիչ Ֆեթուլլահ Կիւլենի «Հիզմեթ» շարժման անդամներուն աջակցելուն համար:

«Պելճիքան ոչ միան ՔԱԿ-ի, այլեւ կիւլենականներուն կարեւոր ապաստանն է»,- ըսած է Քալընը:



Bu haber .... kaynağından gelmektedir.

Haber metninde yer alan görüşler haber kaynağı ve yazarına ait olup,
Bolsohays.com sitesi haber hakkına herhangi bir görüş üstlenmemektedir.
+