�

Խոր ցաւով վերահասու եղանք, որ երէկ երեկոյեան իր մահկանացուն կնքած է յայտնի պատմաբան ու բառարանագիր Բարսեղ Թուղլաճեան։ Ան եղած էր մեր մտաւորական կեանքի աշխոյժ դէմքերէն մին՝ բարձրագոյն ուսումը ստացած ըլլալով Միչիկընի համալսարանին մէջ։ Մխիթարեանի սան Բար-սեղ Թուղլաճեան աւարտած էր Մելգոնեան կրթական հաստատութիւնը։

�

Բարսեղ Թուղլաճեան ուսումնասիրութիւններ կատարած էր Օսմանեան արխիւներէն ներս։ Թուր-քիոյ կամ արտասահմանի մէջ մասնակցած էր բազմաթիւ գիտաժողովներու։ Իր հրատարակած բա-ռարաններուն եւ հանրագիտարաններուն բերումով բարձր գնահատուած էր պետական աւագանիին կողմէ։ Հանրապետութեան նախկին նախագահներէն Իսմէթ Իւնէօնիւ, Ճեւտէթ Սունայ եւ Ֆահրի Քորութիւրք Թուղլաճեանը մեծարած էին Չանքայայի ապարանքին մէջ։ Արժանացած էր շարք մը պարգեւներու եւ կոչումներու։
Իր բազմաթիւ գործերուն մէջ կարելի է առանձնացնել «Օքեանուս» հանրագիտարան-բառարանը, ա-րեւմտահայոց պատմութեան վերաբերեալ հատորները, ինչպէս նաեւ Պալեան եւ Տատեան գերդաս-տաններուն վերաբերեալ կոթողային աշխատանքները։

1933-ին Իսթանպուլի մէջ ծնած էր Բարսեղ Թուղլաճեան, որ անցեալի մէջ շրջան մը եղած էր նաեւ ԺԱՄԱՆԱԿ օրաթերթի պատասխանատու տնօրէն։ Վերջին տարիներուն, դժբախտաբար, իր խան-գարուած յիշողութեան հետեւանքով կը գտնուէր բժշկական մշտական հսկողութեան ներքեւ։

Երեքշաբթի, Դեկտեմբեր 13, 2016

�