Նախագահ Սերժ Սարգսեան երէկ ցաւակցական հեռագիր մը յղած է Շուէտի վարչապետ Սթեֆան Լեովենին` Շուէտի մայրաքաղաք Սթոքհոլմի մէջ տեղի ունեցած ահաբեկչական գործողութեան առիթով:

«Շուէտի համար այս դժուար պահուն իմ անկեղծ ցաւակցութիւնս ու զօրակցութիւնս կը յայտնեմ ձեզի, Շուէտի բարեկամ ժողովուրդին եւ զոհուածներու հարազատներուն` մաղթելով տոկունութիւն եւ ոգիի արիութիւն, իսկ վիրաւորներուն` շուտափոյթ ապաքինում», ըսուած է նախագահի ցաւակցական հեռագիրին մէջ: Հանրապետութեան Նախագահը այս շրջագիծին մէջ վերահաստատած է Հայաստանի համերաշխութիւնը միջազգային ահաբեկչութեան դէմ մղուող պայքարին, որուն թիրախ կը դառնան բազմաթիւ անմեղ մարդիկ: