Պրիւքսէլի քաղաքապետ Իվան Մայերը յայտարարած է, որ քաղաքին մէջ պիտի արգիլէ որեւէ հաւաք կամ գործողութիւն` յաջակցութիւն Թուրքիոյ նախագահ Ռեճեփ Թայիփ Էրտողանի:

Վկայակոչելով Diken-ը՝ Armenpress.am-ը կը հաղորդէ, թէ քաղաքապետի յայտարարութիւնը յաջորդած է ԶԼՄ-ներու մէջ յայտնուած այն տեղեկութեան, որ Էրտողանը ՆԱԹՕ-ի գագաթնաժողովին մասնակցելու նպատակով Պրիւքսէլ պիտի ժամանէ 12-14 ժամ շուտ:

Մայեր յայտնած է, որ վճռական է իր այս որոշման հարցով: «Թրքական իշխանութիւններուն ալ պաշտօնապէս տեղեակ պիտի պահեմ: Էրտողանի կողմէ Պրիւքսէլի մէջ իրեն համար փոքրիկ տօնախմբութեան կազմակերպման մասին խօսք չի կրնարըլլալ»,- ըսած է ան:

Քաղաքապետը նշած է, որ ինքը մտավախութիւն ունի, թէ Էրտողանի կողմնակիցները եւ ընդդիմադիրները կրնան բախում ունենալ: «Նախապէս ալ Էրտողանի համար սրահ չեմ տրամադրած, հիմա ալ պիտի չտրամադրեմ»,- յայտարարած է Մայերը: