​Ազնաւուր Ներկայ Գտնուեցաւ Իրեն Նուիրուած «Լա Պոհեմ» Ներկայացումին - Հայերէն
23 Ağustos 2017 - Հակական տոմար - Տարի : 4510 / Ամիս : Նավասարդ / Օր : Ծմակ / Ժամ : Երկրատես

Հայերէն :

30 Mayıs 2017  

​Ազնաւուր Ներկայ Գտնուեցաւ Իրեն Նուիրուած «Լա Պոհեմ» Ներկայացումին

​Ազնաւուր Ներկայ Գտնուեցաւ Իրեն Նուիրուած «Լա Պոհեմ» Ներկայացումին ​Ազնաւուր Ներկայ Գտնուեցաւ Իրեն Նուիրուած «Լա Պոհեմ» Ներկայացումին
Մայիս 29-ին Ալ. Սպենդիարեանի անուան օփերայի եւ պալետի ազգային ակադեմիական թատրոնին մէջ տեղի ունեցաւ Ռուդոլֆ Խառատեանի «Լա պոհեմ» պալէի առաջին ներկայացումը: Անիկա նուիրուած էր Շառլ Ազնաւուրի ծննդեան 93-րդ տարեդարձին: Պալէի առաջին ներկայացումին ներկայ էր նաեւ աշխարհահռչակ երգիչը, կը հաղորդէ “Երկիր”-ը:

Ազնաւուրի 12 երգէ բաղկացած ներկայացումը, ըստ Խառատեանի, կը պատմէ Ազնաւուրի մասին` անոր անցած ճանապարհին, պոհեմային կեանքին: «Երգերու, ներկայացման միջոցով Ազնաւուրի մասին կը պատմենք: Ներկայացման սկիզբը կը պատմէ, թէ 18 տարեկանին Ազնաւուր ինչպէս եկաւ «Փարիզը գրաւելու», եւ անիկա կ՛աւարտի անոր յիշողութեամբ` Ազնաւուր կը յիշէ Մոնմարտրիի մէջ ապրած իր տարիները, թէ ինչպէս այդ ժամանակ ուտելու բան չունէին, սոված էին, բայց, միաժամանակ, երջանիկ էին, քանի որ ունէր ամենագլխաւորը` երիտասարդ էր»,- ըսած է Խառատեան:

Նշենք, որ Յունիս 1-ին եւ 2-ին տեղի պիտի ունենայ «Քեզի համար, Ազնաւուր»՛ համերգը, որուն նոյնպէս, ամենայն հաւանականութեամբ, Ազնաւուր ներկայ պիտի գտնուի:




Diğer Haberler

Anket Tüm Anketler

+