Փարիզի մէջ կայանալիք «Հայաստանի արուեստը» աճուրդին պիտի ներկայացուին հայ արուեստի բացառիկ նմուշներ` գորգեր, կտաւներ, գիրքեր, հին սպասք եւ զարդեր: Աճուրդը պիտի կայանայ Յունիս 2-ին։ Անիկա կը կազմակերպէ Leclere աճուրդի տունը, կը հաղորդէ «Սփութնիք»-ը:

Աճուրդի բացառիկ նմուշներուն մէջ են` ուրարտական Սարդուրի Բ․ արքայի պրոնզէ սաղաւարտը (մ.թ.ա 764-735դդ), որու սկզբնական գինը €55 000 սահմանուած է, Տիգրան Մեծի արծաթէ մետաղադրամը, որու նախնական արժէքը €7000-8000 է, XIV-XV դարու Տօնացոյց աղօթագիրքը, որու նախնական արժէքը €45 000-50 000 է:

Վաճառքի պիտի հանուի նաեւ Յովհաննէս Այվազովսկիի «Հայերու ջարդը Մարմար ծովուն վրայ 1886-ին», որու նախնական արժէքը €200 000 է: