Թուրքիա. Մէկ ամսուան ընթացքին եկեղեցին մզկիթի կը վերածուի - Հայերէն
29 Eylül 2021 - Հակական տոմար - Տարի : 4514 / Ամիս : Հոռի / Օր : Վարագ / Ժամ : Լուսակն

Հայերէն :

23 Ağustos 2020  

Թուրքիա. Մէկ ամսուան ընթացքին եկեղեցին մզկիթի կը վերածուի -

Թուրքիա. Մէկ ամսուան ընթացքին եկեղեցին մզկիթի կը վերածուի Թուրքիա. Մէկ ամսուան ընթացքին եկեղեցին մզկիթի կը վերածուի

Պոլսոյ Ս․ Սոֆիայի տաճարը մզկիթի վերածելէն ետք Թուրքիոյ նախագահ՝ Ռեճէպ Թայէպ Էրտողանը ուրիշ բիւզանդական պատմական տաճար մը մզկիթի վերածելու հրաման ստորագրած է ։

Քարիյէ անունով յայտնի եւ 1945-էն թանգարանի կարգավիճակ ունեցող Խորի Սուրբ Ամենափրկիչ եկեղեցին, վերանորոգումի աշխատանքները աւարտելէն ետք, կը վերաբացուի որպէս մզկիթ։ Այս մասին Էրտողանի հրամանը հրապարակուած է կառավարութեան պաշտօնաթերթով։

Հրամանագիրին մէջ նշուած է, որ նկատի առնելով, որ Թուրքիոյ Պետական խորհուրդը (բարձրագոյն վարչական դատարան) անվաւեր ճանչցած է 1945-ին նախարարներու խորհուրդի կողմէ Քարիյէ մզկիթը թանգարանի վերածելու որոշումը, Քարիյէ մզկիթը Կրօնական գործերու վարչութեան յանձնելու եւ որպէս մզկիթ բանալու որոշում ընդունուած է։

Նշենք, որ Խորի Ս․ Ամենափրկիչը մէկն է այն բիւզանդական տաճարներէն, որոնք Կոստանդնուպոլսոյ գրաւումէն (1453 թուական) յետոյ օսմանեան թուրքերը վերածեցին մզկիթներու։

6-րդ դարուն կառուցուած, ապա քանի մը անգամ վերակառուցուած Խորի վանքը 1511-ին Պայազիտ 2-րդ սուլթանի մեծ վեզիր (նախարար) Աթիք Ալի փաշայի կողմէն վերածուած է մզկիթի ու սկսած անուանուիլ Ալի փաշայի մզկիթ կամ Քարիյէ մզկիթ։

1945 թուականին, Թուրքիոյ Հանրապետութեան կառավարութեան որոշումով՝ Քարիյէ մզկիթը վերանորոգումէն ետք բացուած էր որպէս թանգարան։





Bu haber kaynağından gelmektedir.

Haber metninde yer alan görüşler haber kaynağı () ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(). They do not purport to reflect the opinions or views of bolsohays.com
+