ԹԱՍՍ լրատու գործակալութիւնը կը հաղորդէ, որ Միացեալ Նահանգներու Օրիկոն նահանգի Փորթլենտ քաղաքին մէջ Տանըլտ Թրամփի` Միացեալ Նահանգներու նախագահ ընտրուելուն դէմ բողոքի ցոյցերը վերածուած են անկարգութիւններուն:

Իրաւապահ մարմիններուն տուեալներով` ցուցարարները, որոնց թիւը չի ճշդուիր, կը խանգարեն ինքնաշարժներու երթեւեկը եւ կը ջարդեն ցուցափեղկերը: Ոստիկանութիւնը ձերբակալած է քանի մը մարդ:

Փորթլենտի ոստիկանութեան վարչութիւնը յայտարարութիւն մը հրապարակելով յայտնեց. «Բողոքներու տարողութեան եւ անոնց քրէածին ու բացայայտօրէն վտանգաւոր բնոյթին պատճառով ոստիկանութիւնը այժմ այդ գործողութիւնները կ՛որակէ իբրեւ անկարգութիւններ»:

Թրամփի ընտրուելուն դէմ զանգուածային ցոյցեր տեղի կ՛ունենան երկրի բազմաթիւ նահանգներուն, որոնց շարքին` Նիւ Եորքի, Ուաշինկթընի եւ Քալիֆորնիոյ մէջ:

�