Զախարովա. «ՀԱՊԿ-ի Ղարաբաղեան Հակամարտութեան Մասնակցութիւնը Անկարելի Էր, Որովհետեւ Նոյնիսկ Հայաստա - Հայերէն
30 Temmuz 2026 - Հակական տոմար - Տարի : 4518 / Ամիս : Հրոտից / Օր : Գիշերավար / Ժամ : Շանթակող

Հայերէն :

29 Temmuz 2026  

Զախարովա. «ՀԱՊԿ-ի Ղարաբաղեան Հակամարտութեան Մասնակցութիւնը Անկարելի Էր, Որովհետեւ Նոյնիսկ Հայաստա -

Զախարովա. «ՀԱՊԿ-ի Ղարաբաղեան Հակամարտութեան Մասնակցութիւնը Անկարելի Էր, Որովհետեւ Նոյնիսկ Հայաստա Զախարովա. «ՀԱՊԿ-ի Ղարաբաղեան Հակամարտութեան Մասնակցութիւնը Անկարելի Էր, Որովհետեւ Նոյնիսկ Հայաստան Այդ Տարածքը Չէր Ճանչնար»

ՀԱՊԿ-ի ղարաբաղեան հակամարտութեան մասնակցութիւնը անկարելի էր: Այս մասին յայտարարած է Ռուսիոյ արտաքին գործոց նախարարութեան բանբեր Մարիա Զախարովա:

«Հաւաքական անվտանգութեան պայմանագիրի կազմակերպութեան (ՀԱՊԿ) Լեռնային Ղարաբաղի հակամարտութեան մասնակցութիւնը անկարելի էր, որովհետեւ նոյնիսկ Հայաստանը ինք չէր ճանչնար այդ տարածքը:

«Կար Հայաստանի հետ պատմութիւն մը, որ, կարծէք, կ՛ըսէր. «Եկէք գործի լծենք ՀԱՊԿ-ի մեքանիզմը»: Սակայն իրականութեան մէջ` որո՞ւ եւ ինչի՞ հետ կապուած: Լեռնային Ղարաբաղի տարածքը, որ Հայաստանը ինք, ցաւօք կամ բարեբախտաբար, ասիկա հարցս չէ, ասիկա Երեւանի համար է, չէր ճանչնար ո՛չ իբրեւ իր սեփականը, ո՛չ ալ անկախ», ըսած է ան:

Զախարովա ընդգծած է, որ նման պայմաններուն մէջ ՀԱՊԿ-ի մեքանիզմը չէր կրնար գործի լծուիլ:

Ազրպէյճանի պետական ԱՓԱ լրատու գործակալութիւնը կը հաղորդէ, որ Ազրպէյճանի արտաքին գործոց նախարարութեան բանբեր Այհան Հաճիզատէ մեկնաբանելով Զախարովայի խօսքերը յայտարարած է. «Ղարաբաղի շրջանը միջազգային ընտանիքին, ներառեալ Ռուսիոյ կողմէ, մշտապէս ճանչցուած է իբրեւ Ազրպէյճանի անբաժան մաս: Հայաստանի կողմէ շուրջ 30 տարի բռնագրաւուած ազրպէյճանական տարածքներուն մէջ ՀԱՊԿ-ի մեքանիզմներու գործարկման հարցը օրակարգային դարձնելու մնայուն փորձերը, ինչպէս նաեւ այդ հարցը Հայաստանի կողմէ Ղարաբաղի ճանաչման հետ կապելը ոչ միայն կը հակասեն ռուսական կողմի պաշտօնական դիրքորոշման, այլ բացարձակապէս անհիմն են»:




Bu haber aztagdaily kaynağından gelmektedir.

Haber metninde yer alan görüşler haber kaynağı (aztagdaily) ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(aztagdaily). They do not purport to reflect the opinions or views of bolsohays.com
Önceki Sonraki

Diğer Haberler

Anket Tüm Anketler

Günün Sözü


Ներելի է ագահ ըլլալ միայն ժամանակին հանդէպ։

+